Ang edukasyon ang nagiging daan tungo sa isang
matagumpay na hinaharap ng isang bansa. Kung wala nito, at kung ang mga
mamamayan ng isang lipunan ay hindi magkakaroon ng isang matibay at matatag na
pundasyon ng edukasyon, magiging mahirap para sa kanila na abutin ang
pag-unlad. Marapat lamang na maintindihan na ang edukasyon ay siyang magdadala
sa kanilang inaasam na mga mithiin.
Sa panahon ngayon,
napakarami nang hadlang sa pagkamit ng inaasam nating edukasyon. Maraming
opurtunidad ang dumaraan ngunit hindi ito nabibigyang pansin ng ilang kabataan.
Sa kasalukuyan, makikita natin ang epekto ng kawalan ng edukasyon sa mga
mahihirap. Ayon sa survey na isinagawa ng DepED (Department of Education), sa
20.17 milyong estudyante, tanging 7.3 milyong estudyante ang umaalis o hindi
nagpapatuloy sa pagaaral.
Marami ang mga problemang hinaharap ng
mga kabataan. Ngayon, kapag gusto nila mag-aral, may mga panahon na mas maganda
ang kalidad ng edukasyon sa mga lugar na urban tulad ng Metro Manila kaysa sa
mga lugar na rural, tulad ng Batanes. Dito pumapasok ang kakayanan ng gobyerno
na sustentuhan ang paggawa at pagpapanatili ng mga pampublikong paaralan sa mga
malalayong lugar. Hindi sapat ang pondo ng gobyerno para sa edukasyon, makikita
natin ito sa mga substandard na
materyales na ginagamit pang tayo ng paaralan, sa kakulangan ng mga kagamitang
panturo at sa mababang sweldo ng mga guro.
Karamihaan ng mga estudyante ang
napipilitang huminto sa pagaaral buhat ng kakulangan sa pangbayad ng matrikula
na tumataas habang tumatagal ang panahon. Isa pa sa mga hadlang na hinaharap ng
kabataan ay ang nakakagulat at nakakadismayang datos ukol sa
mga kaso ng teenage pregnancy sa ating bansa. Ayon
sa 2014 datos ng Philippine Statistical
Authority, kada oras, 24 na sanggol ang sinisilang ng mga kababaihang may
murang edad. Maraming epekto ang naidadala ng maagang pagbubuntis sa edukasyon
ng isang minor de edad, unang una, malaki ang problemang dinadala ng maagang
pagbubuntis ng kababaihan, lalo na kung ang babae ay nagaaral pa; pangalawa ay napipilitang
huminto ng pagaaral ang estudyante at panghuli, napipilitang mag-drop out ang bata dahil sa bagong
obligasyon na kinakailangang gampanan bilang isang ina. Ang huling hadlang sa
edukasyon ay ang hindi pagkakapantay-pantay ng kalidad nito sa mga siyudad
urban at rural, sa mahigit na 2.8 milyong kabataan na nagaaral sa pribadong
paaralan, sila ang nakakatanggap ng mataas na kalidad ng edukasyon, kung
ikukumpara sa mahigit 17.34 milyong estudyante na nagaaral sa pampublikong
paaralan.
Tulad ng sinabi ni Dr. Jose Rizal, “Ang Kabataan
ay ang Pagasa ng Bayan”, mahalagang malaman ng kabataan ang kahalagahan ng
pagaaral dahil ito ang unang hakbang tungo sa pagbangon: pagbangon sa estado ng
buhay, pamumuhay at sa kahirapan.
______
Quote of the day:
